Çox ləzzətli və yüngül portağallı keks- Foto

Yumurta 3 ədəd

Şəkər tozu 1,5 stəkan

Kərə yağı 100q

Portağal(iri) 2 ədəd

Vanilin şəkəri 10q(1 paket)

Un 2,5 stəkan

Qabartma tozu 10q(1 paket)

Şokolad 200q

Qaymaq(33% yağlı) 0,5 stəkan

Yumurtalar, şəkər tozu və vanilin şəkəri ilə mikser vasitəsi ilə yüksək sürətdə çalınır. Kərə yağı əridilir və soyumuş halda yumurtalı kütləyə əlavə olunur. Daha sonra portağalların suyu və sedrası əlavə olunur, kütlə yenidən çalınır. Un və qabartma tozunu birləşdirilib, kütləyə əlavə olunur. Xəmir sonuncu dəfə qarışdırılır. Keks üçün bişirmə qabının dibi yağlanır və xəmir qaba boşaldırılır. Keks 200 dərəcəyə qədər isidilmiş sobada 30 dəqiqə ərzində hazır olur.

Qlazuru hazırlamaq üçün kiçik alovda qaymaq isidilir, və içinə dilimlənmiş şokolad əlavə olunur. Şokolad qaymaqda tam həll olunana kimi kütlə qarışdırılır. Hazır qlazur soyumuş keksin üzərinə süzülür.