Həyat tərzi / Maraqlıdır

Şəhid əsgərin mesajı: "Ana, evlənmək istəyirəm..." - FOTOLAR

Banu. | 12-04-2016, 21:36
4 138 12

 
 Cəbhə xəttində gedən döyüşlərdə qəhramancasına şəhid olan əsgərlərimizdən biri də Bakı şəhər sakini Dadaşov Tural Sabir oğludur. 

1993-cü il təvəllüdlü T. Dadaşov Azərbaycan Dövlət İqtisad Universitetinin məzunu olub.

AzadQadin.az bildirir ki, azvision.az şəhidin evinə baş çəkərək, yas mərasimində iştirak edib.

Qardaşının ad günündə ölüm xəbəri gələn şəhid...

Əməkdaşımızla həmsöhbət olan Fərid Dadaşov qardaşı Turalın ölüm xəbərini ad günündə eşitdiyini deyib: "Aprel ayının 8-də qardaşımdan təbrik gözləyirdim. Tural heç vaxt ad günümü yaddan çıxarmazdı. Həmin gün nədənsə qardaşımdan səs çıxmayınca, narahat oldum. Tural cəbhədə ağır döyüşlər başladığı vaxtdan evə zəng etmirdi. Hamımız narahat idik. Onun sağ olduğuna inanırdıq. 

Düşünürdük ki, Tural ölə bilməz, ad günümdə də gözləyirdim ki, Tural zəng edib, məni təbrik edəcək. Dostlarımla doğum günümü qeyd edirdim, atam ağlayaraq zəng edib dedi ki, təcili evə gəl.

Həmin an atamın titrəyən səsindən başa düşdüm ki, Turala nə isə olub. Evə gələndə dedilər ki, qardaşın şəhid olub. Turalla fəxr edirik".

"2 ay səbr edin, gəlib özümə toy edəcəyəm"

Qardaşının sözlərinə görə, Tural hərbi xidmətdən qayıdıqdan sonra ailə qurmağa hazırlaşırdı: "Tural mənim üçün həm böyük qardaş, həm də əsl dost idi. Onunla tez-tez əlaqə saxlayırdıq. Hərbi xidmətdən razılıq edirdi. Tural əsgərlikdə olanda sevdiyi qızın ailəsinə elçi gedib, "hə" cavabını almışdıq. Qardaşım bu xəbəri eşidəndə çox sevinirdi. Tural mənə mesaj yazmışdı ki, 2 ay səbr edin, gəlib toy edəcəyəm. Qardaşımın toy arzusu ürəyində qaldı. Tural ailə qurduqdan sonra xaricdə təhsil almaq istədiyini deyirdi".

"Xonçalar hazırlayıb, qol qaldırıb oynayacaqdıq"

Şəhid əsgərin anası Kəmalə Dadaşova oğlunun qəhrəmancasına şəhid olduğunu bildirib: "Oğlum iki aydan sonra evə qayıdacaqdı. Əsgərlikdən mesaj yazmışdı ki, ana evlənmək istəyirəm. Gözləyin, qayıdıb toy edəcəyəm. Amma o, qayıda bilmədi. Tural qəhrəman kimi döyüşdü və şəhid oldu. Mən artıq nə deyə bilərəm ki? Heç bir söz Turalımı geri qaytarmayacaq. 

Onun toyuna hazırlaşırdıq, planlaşdırırdıq ki, Tural qayıdandan sonra toy edəcəyik. Hamımız sevinclə o günü gözləyirdik. Xonçalar hazırlayıb, qol qaldırıb oynayacaqdıq. Amma qismət olmadı".

"Şəhid atası adı daşımaq, çox ağırdır..."

Mərhumun atası Sabir Dadaşov vətən uğurunda şəhid olan bütün hərbçilərə Allahdan rəhmət diləyib: "Mən bu gündən şəhid atasıyam. Bütün atalar kimi, oğlumla fəxr edirəm. Tural torpaqlarımız uğurunda şəhid olub. Allah bütün şəhidlərimizə rəhmət eləsin. O, hər zaman bizimlə olacaq".

"Turalın gözəl arzuları vardı. O, hərbi xidmətdən qayıtdıqdan sonra Türkiyədə magistratura oxuyacaqdı. Tural yüksək balla universitetə daxil olmuşdu. Atasına dəstək olmaq üçün həm oxuyur, həm də işləyirdi. Tural unversitetdə təhsil alarkən tanınmış restoranlardan birində qəlyançı işləyirmiş", - deyə şəhidin dostları bildirib.

Qeyd edək ki, şəhidin yas mərasimində Nizami rayon İcra Hakimiyyətinin, Azərbaycan Dövlət İqtisad Universitetinin rəhbərliyi, eləcə də SOCAR-ın prezidenti Rövnəq Abdullayev də iştirak edirdi. 
 



SEVDA | 13 aprel 2016 14:25 | Status: Nəzarətçi | Şərh: 17 437
Sitat: GULYA-N
Can qardaş arzuların üreyinde qaldı.Toyun olacaqdı övladlarında amma bu eclaf eqidesiz ermeniler canına qıydılar.Hansı sözle aileni teselli etmek olarkı heç ne ile.Qebrin nurla dolsun.
ESMERRi | 13 aprel 2016 11:27 | Status: Brilliant user | Şərh: 5 376
Sitat: dılay
heyif cox heyif..

Sitat: guldeniz
Necede pehlavan kimi ogularimiz Veten saqolsun Sehidler olmez veten bolunnmez bunu qalibyetinizle gorkediniz haladi sizin kimi qehraman ogulara
Ay_Sun | 13 aprel 2016 10:44 | Status: Brilliant user | Şərh: 13 407
Inanin artiq derman icirem bele xeberleri oxuduqdan sonra.Allah rehmet etsin.
Röyamsan. | 13 aprel 2016 10:28 | Status: Brilliant user | Şərh: 6 102
Çox pis oldum. disappointed_relieved
guldeniz | 13 aprel 2016 10:24 | Status: Professional user | Şərh: 1 640
Necede pehlavan kimi ogularimiz Veten saqolsun Sehidler olmez veten bolunnmez bunu qalibyetinizle gorkediniz haladi sizin kimi qehraman ogulara
guel | 13 aprel 2016 08:24 | Status: VİP user | Şərh: 475
Necede yarasiqli igid imis. Allah o dunyasini versin. Her bir gencin arzusudur sevdiyi ile aile qurmaq. Can qardas. Allah ermeni digalarinin kokunu kessin.
nurane nurane | 13 aprel 2016 07:44 | Status: VİP user | Şərh: 1 014
Sitat: B.Fereh
Hem oz arzulari,hemde dogmalarinin arzulari yarimciq qaldi.Heyif cavan canlarinnan...Allah rehmet elesin...ureyim dozmur.Bele xeberler oxuyuram,ozume gele bilmirem:(((
GULYA-N | 13 aprel 2016 00:49 | Status: VİP user | Şərh: 758
Can qardaş arzuların üreyinde qaldı.Toyun olacaqdı övladlarında amma bu eclaf eqidesiz ermeniler canına qıydılar.Hansı sözle aileni teselli etmek olarkı heç ne ile.Qebrin nurla dolsun.
Hali | 12 aprel 2016 23:06 | Status: VİP user | Şərh: 484
Allah rehmet elesin.cavan ,yarawiqli oglanlar getdi....
dılay | 12 aprel 2016 22:23 | Status: Brilliant user | Şərh: 8 182
heyif cox heyif..
BULUTUM | 12 aprel 2016 22:10 | Status: Professional user | Şərh: 7 386
Offff cann cann heyif cavan igid canlarindan.
B.Fereh | 12 aprel 2016 22:04 | Status: Nəzarətçi | Şərh: 6 971
Hem oz arzulari,hemde dogmalarinin arzulari yarimciq qaldi.Heyif cavan canlarinnan...Allah rehmet elesin...ureyim dozmur.Bele xeberler oxuyuram,ozume gele bilmirem:(((