Həyat tərzi / Maraqlıdır

Kişilər bir şeyi nə qədər tez əldə edərsə, o qədər tez həvəsi keçər

Aliyeva | 20-05-2013, 22:01
8 404 36


Kişilər bir şeyi nə qədər tez əldə edərsə, o qədər tez həvəsi keçər

 

 

Məlumdur ki, kişilər ailə qurmaq məsələsində qadınlardan daha ehtiyatlıdırlar. Bəzən sevgiliniz sizi dünyalar qədər sevsə belə, evlilik haqqında düşünmür və ya düşünmək istəmir. Qızların isə həyatda ən böyük arzusu ağ libasda, sevdiyi insanla qol-qola vağzalı sədaları altında ata evini tərk etməkdir.

 

"Aysel" jurnalı ərə getməyin 7 üsulunu açıqlayır. Bu məsələdə ən vacibi diqqətli olmaq və özünü düzgün aparmaqdır.

 

Ananın gül balası

Əgər sevgiliniz ananın gül balasıdırsa, müvəffəqiyyət qazanmaq üçün sizə yalnız onun valideynlərilə tanış olmaq lazımdır, xüsusən də anasının ürəyini fəth etməyə çalışın. Tanışlığa ciddi hazırlıq görmək məsləhətdir. Əvvəlcədən onun necə xasiyyətdə olduğunu və nələr sevdiyini öyrənmək vacibdir. Əgər o, evdar qadındırsa, demək oğluna özü kimi bacarıqlı qız axtarır: dadlı yeməklər bişirən, ev işlərindən başı çıxan. Siz ona tərbiyəli və mədəni ailədən olduğunuzu göstərməlisiniz, uşaqları çox sevdiyinizi və yoldaşınızın nazını çəkməyə hazır olduğunuzu bildirməlisiniz. Əgər xoşuna gəlsəniz, o sizə oğlunun uşaqlığı haqqında danışmağa başlayacaq, sizə isə hər şeylə razılaşmaq və şirin gülümsəmək qalır. Nəticə: iki-üç gündən sonra anasının təəssüratları barədə soruşun. Əgər sevgiliniz anasının sizi bəyəndiyini desə, demək qalib gəldiniz. Qalan işləri ana özü həll edəcək, sizə isə gəlinlik seçmək və "hə" demək qalacaq.

 

Əlçatmaz olun

Yadda saxlayın ki, kişilər bir şeyi nə qədər tez əldə edərsə, o qədər tez həvəsi keçər. Odur ki, hərdən onunla soyuq davranın, zəng etdikdə dəstəyi götürməyin, ya da gec götürün. Qoy sizin yoxluğunuzu hiss etsin. Amma həddi aşmayın. Bir gün mehriban, yumşaq olanda, səhəri gün soyuq və təmkinli olmağa çalışın. Kişilər qalib gəlmək üçün hər şeyə qadirdir, hətta evlənməyə. Onu qısqandırın, başa düşməlidir ki, onun yerində başqası da ola bilər.

Əslində hər şey sizin ustalığınızdan asılıdır. Çalışın onun işlətdiyi hər cümləni öz xeyirinizə çevirəsiniz. Məsələn, o deyir: «Əzizim, sən nə gözəl yeməklər bişirirsən», siz düşünmədən «O, yox. Mən bunu hər gün edə bilmərəm. Ailə həyatı o qədər çətindir ki, lap istəsən də sənə gələn deyiləm!». Çalışın onun hər dediyini bu cür yozasınız. Bir müddət keçəndən sonra o sizi itirməkdən qorxacaq və təbii ki, ömür boyu sizinlə olmaq istədiyini söyləyəcək. Bu məqamda artıq oyuna ehtiyac olmur, arzunuza çatdınız!

 

Onun dostuna çevrilin

Adətən kişilər tanıdığı qadınla ailə qurmaq istəyir. Hərdən ona qadın yox, sadəcə yoldaş, dost lazımdır. Onu dinləməyi öyrənin, problemləri haqqında soruşun və lazım gəlsə, dəyərli məsləhətlər verin. Çalışın o sizə öyrəşsin. Sizsiz qərar qəbul edə bilməsin. Bir gün başa düşəcək ki, belə dost ömür boyu onun yanında olmalıdır.

Kişilərlə münasibət qurduğunuz zaman çalışın bir az səbirli və sadə olasınız. Ona gələcək həyat yoldaşı kimi baxmayın. Ən yaxşısı onu dost hesab etməkdir, bir yerdə gəzin, gülün, əylənin, bir sözlə, həyatın dadını çıxarın və ciddi məsələlərin müzakirəsini ortaya atmayın. Bu, sevgilinizi qorxuda bilər. Bildiyiniz kimi, kişilər çox qorxaqdır, özlərini hərdən «maço» kimi aparsalar belə.

 

Ən tərbiyəli, ən etibarlı

Onun inandırın ki, dünyada sizdən tərbiyəli və etibarlı qadın yoxdur. Hər kişi istəyir ki, onun xanımı təkcə ona baxsın, təkcə onu sevsin və hər zaman ona pərəstiş etsin. Burada bir məqam var, sizin keçmiş sevgililəriniz. Onlar haqqında danışmaq lazım deyil. Əgər ərə getmək arzusundasınızsa, həyatınızda ondan əvvəl heç kəsin olmadığını söyləyin. Təbii ki, bu sizin yaşınızla bağlıdır, əgər 30-40 yaşlı xanımsınızsa, bu o qədər də inandırıcı olmaya bilər. Ona qədər heç kəsi bu dərəcədə sevmədiyinizi söyləyin, bir az gülümsəməyi və gözlərinizi süzməyi unutmayın.

 

Biclik

Bu ən çox yayılan və qızların istifadə etdikləri variantlardan biridir, xüsusən də Azərbaycanda. Hər gün olmasa da, hərdən sevgilinizin yanında sizə hansısa bir oğlanın elçi göndərdiyini xəbər verin. Amma bunu edərkən bir az qəmli görünməyə çalışın. Sanki bu hadisə sizi kədərləndirir və valideynləriniz sizi bu addımı atmağa məcbur edir.

Restorana və ya kinoya getdiyiniz zaman çalışın digər oğlanların diqqətini cəlb edəsiniz, onların biri də olsa sizə baxsa, işlər yoluna düşəcək. Sevgilinizi hər zaman qısqandırmağa çalışın, nə qədər çox olsa, o qədər yaxşıdır. Yaxşı olar ki, ona psixoloji təzyiq göstərəsiniz. Məsələn, evli cütlük görəndə onların necə gözəl göründüyünü söyləyin, bir-birinə sevgi ilə baxdıqlarını və necə xoşbəxt olduqlarını. Və hərdən «Sən bizi də belə təsəvvür edirsən, biz daha çox yaraşırıq» və s. sonrası artıq fantaziyanızdan asılıdr. Amma həddini aşmayın, o özünə qapana bilər və siz nəinki evlənmək, onunla münasibəti belə unutmalı olacaqsınız.

 

Tam sakitlik

Yadda saxlayın ki, kişilər sakitliyi xoşlayır. Onların həyatı onsuz da çətindir, iş, ev, problemlər onu daha da çətinləşdirir. Öz problemləriniz haqqında çalışın danışmayasınız, bundan əlavə, heç vaxt sərt olmayın. Kişilər hər zaman nəvaziş istəyir. Nəvazişi isə ona siz göstərməlisiniz. Sizinlə olarkən o, istirahət etməli və dərdini unutmalıdır. Ona anasını əvəz edin. Hərdən zəng vurun və hal-əhvalını soruşun, bir neçə şirin söz və ya zarafatla keyfini qaldırın. Ona gözlənilməz bir zaman hədiyyə edin, onun yanında olduğunuzu və əndişə etdiyinizi hiss etdirin. Sevginizi, qayğınızı ona göstərin, o tək olmadığını başa düşməlidir. Siz onun ən əziz insanına çevrilməlisiniz. Bu o qədərdə çətin deyil, sınamaqdan keçirməyə dəyər.

 

Mən səni sevirəm

Mən səni sevirəm və bütün həyatımı sənə həsr etmək istəyirəm. Əgər onunla ömür boyu yaşamaq istəyirsinizsə və hər nazını çəkməyə hazırsınızsa, bunu söyləmək yetərlidir. Çünki kişilər qadında ən çox səmimiyyətə üstünlük verir və uşaq kimi əzizlənməyi xoşlayırlar. Ən önəmlisi də odur ki, «hə» cavabını aldıqda toya hazırlıq barədə bir neçə gün danışmayın və ya çalışın xırda məsələləri özünüz həll edəsiniz.

Kişiləri evlilikdən saxlayan səbəblərdən biri məhz xırda problemləri həll etməkdir. Onlar adilikdən, günlərin mənasız keçməsindən qorxur. Adətən evli dostlar subay dostlara «Ağlın varsa evlənmə!» deyir və bu sözlər ona təsir edir və o fikrindən daşına bilər. Bu məqamda köməyə siz gəlməlisiniz, ona hiss etdirin ki, sizinlə birlikdə həyat maraqlı, günləriniz sevinc və zarafatla keçəcək. Bunları başa düşsə, heç bir problem qalmayacaq. Bir də çalışın həmin «pis» dostları ilə az ünsiyyətdə olsun. Bunun sizə yalnız faydası ola bilər.

 

 
disput.az

lady sweet | 9 aprel 2015 05:11 | Status: Gümüş user | Şərh: 1 880
Sitat: Nigar
tewekkurler xebere gore
ziko zs | 30 yanvar 2015 21:38 | Status: Şərhçi | Şərh: 483
eyer sevirse ne etsen onun gozunde mukemmel olacaqsan menim fikrimce
Nigar | 23 fevral 2014 20:35 | Status: Gümüş user | Şərh: 6 063
Sitat: TOMİRİS
O SOZSUZ QADIN HEMISE GEREK BIRAZ SIRLI QALSIN VE YOLDASININ GOZUNDE MARAGNI ITIRMESIN

Nigar | 25 yanvar 2014 22:29 | Status: Gümüş user | Şərh: 6 063
tewekkurler xebere gore
beehive | 2 dekabr 2013 03:46 | Status: Şərhçi | Şərh: 331
haber için teşekkürler
ay gunes | 28 noyabr 2013 20:51 | Status: VİP user | Şərh: 915
tewekkurler.
luce | 28 noyabr 2013 14:45 | Status: Professional user | Şərh: 2 922
ayyy ne maraqli tovsiyyelerdir, tesekkurler canim.
RaySum | 20 noyabr 2013 14:34 | Status: Professional user | Şərh: 2 594
Tam DUzdur
Tewekkurler!
Ulviyye | 22 iyun 2013 19:30 | Status: Gümüş user | Şərh: 2 839
Sitat: TOMİRİS
O SOZSUZ QADIN HEMISE GEREK BIRAZ SIRLI QALSIN VE YOLDASININ GOZUNDE MARAGNI ITIRMESIN

Sitat: TOMİRİS
O SOZSUZ QADIN HEMISE GEREK BIRAZ SIRLI QALSIN VE YOLDASININ GOZUNDE MARAGNI ITIRMESIN
TOMİRİS | 30 may 2013 17:25 | Status: Şərhçi | Şərh: 117
O SOZSUZ QADIN HEMISE GEREK BIRAZ SIRLI QALSIN VE YOLDASININ GOZUNDE MARAGNI ITIRMESIN
Inci deniz | 29 may 2013 21:37 | Status: Yazar | Şərh: 2 379
Kisiler,kisiler, qadinlar haqqinizda ne cox dusunur.
Shemsi | 22 may 2013 21:43 | Status: Qonaq | Şərh: 0
FAYDALI MESLEHETLERDI,TESEKUR EDIREM.EHTIYACIM BAR
bberry | 22 may 2013 20:33 | Status: Qonaq | Şərh: 0
maraglidi cox twklerr.... smile
shela | 22 may 2013 18:18 | Status: Gümüş user | Şərh: 2 910
o oqlana ki ,ilk görüşdə "məni alacaqsan?" demədin ha ............nə ləzzəti lol
ayniska | 22 may 2013 14:47 | Status: VİP user | Şərh: 590
evlenenden sonra da bunlar kecerlidi?
casiye 45 | 21 may 2013 22:19 | Status: Gümüş user | Şərh: 1 449
duz sohbetdir
Princess_93 | 21 may 2013 20:56 | Status: Brilliant user | Şərh: 5 877
tewekkurler....
Seyidli | 21 may 2013 16:32 | Status: Yazar | Şərh: 2 706
Düz sözdür, qadın nə qədər sirli görünərsə bir o qədər də kəşf olunmamış adaya bənzər. Amma əlçatmaz deyə-deyə də özünü elə bir yüksəyə qaldıra bilər ki, sonra onu endirməsi üçün kiməsə ehtiyacı olar...
Deniz-Deniz | 21 may 2013 15:18 | Status: Professional user | Şərh: 523
twekurler geclerimiz faydalasin
xowbext_olum | 21 may 2013 15:11 | Status: Şərhçi | Şərh: 304
Tesekkurler maraqli idi
A.Sebine | 21 may 2013 15:06 | Status: Şərhçi | Şərh: 235
coxsagolun deyerli meslehetlere gore.mencede qadin elcatmaz olmalidir,
SULTANIM | 21 may 2013 14:56 | Status: Ekspert | Şərh: 4 742
Tesekkurler,oxumusdum Aysel jurnalindan.
Əfşan | 21 may 2013 14:53 | Status: Professional user | Şərh: 1 714
Eger kishinin meqsedi ozune bellidise.ne etsen de tek ayaq uste dursan da.bash uste gezsen de.qanadlansan da o oz meqsedine qulluq edeni axtaracaq.senin temizliyin.safligin gerek olmayacaq.
selenay | 21 may 2013 14:01 | Status: Professional user | Şərh: 1 466
Hmm tesekkurler eh ele oglanlar varku nenesende yarana bilmirsen ona gore gerek qarsindaki adam olsunki bunlari bada duse tesekkurler
Sabahım. | 21 may 2013 13:53 | Status: Professional user | Şərh: 3 359
Sitat: A.Ayise
men bu yollari kecmiwem artiq fellow


MƏN DƏ .QOY GƏNCLƏRİN QABAĞINA ALLAH ONLARI XOŞBƏXT EDƏCƏK ADAM ÇIXARSIN.
ayruska | 21 may 2013 13:45 | Status: Professional user | Şərh: 3 978
NEDENSE HAMI ELEDI TEZ ELDE OLANI SEVMIRLER TEK KISILERE AID DEYIL BU...
A.Ayise | 21 may 2013 13:24 | Status: Şərhçi | Şərh: 399
men bu yollari kecmiwem artiq fellow
Billurə | 21 may 2013 12:57 | Status: Professional user | Şərh: 4 892
qadinlarda beledir)
Beren | 21 may 2013 12:42 | Status: Professional user | Şərh: 3 214
Tamamilə razıyam.Maraqlı idi.Təşəkkürlər canım.
Hande 18 | 21 may 2013 11:40 | Status: Professional user | Şərh: 3 302
tesekkurler canim

tesekkurler canim bully