Aktual / Xəbəriniz olsun!

Günahlarımızla mübarizə aparmadıq ki, koronavirusun cənginə keçdik... Bəs günahla necə mübarizə aparmaq olar?..

Banu. | 26-03-2020, 09:45
110 0
Əgər günahla mübarizə aparmaq istəyiriksə, nə etməliyik?

AzadQadin.az "Dəyərlər"ə istinadla bu mübarizənin bəzi yollarını təqdim edir:

1. Əgər günahla mübarizə aparmaq istəyiriksə, ilk növbədə imana və düzgün etiqada malik olmalıyıq. Çünki imanı olmayan insanın günahla mübarizə aparmağa gücü çatmaz. Ona görə də dinimiz imana xüsusi diqqət göstərən bir dindir. Günahla mübarizə aparmaq üçün ilk olaraq imanı gücləndirmək və günahın nə qədər çirkin bir əməl olduğu ilə tanış olmaq lazımdır. İmanı gücləndirəmək üçün isə saleh əməllər yerinə yetirmək lazımdır.

 

2. İslam dini cəmiyyət mühitini pak saxlamaq üçün heç kəsə icazə vermir ki, bir başqasının həyatına dəxalət etsin. Əgər günahından xəbərdar olarsa, onu aşkar etməsin. Həmin şəxsə xəlvət yerdə nəsihət verib doğru yolu göstərsin.

 

3. Günahla mübarizə aparmaq üçün insanları əmr-be-məruf və nəhy-əz-munkərə təşviq etmək lazımdır. Əgər cəmiyyət ümumi halda fəsaddan uzaq olarsa, fərdi günahla mübarizə aparmaq daha asan olar. (Tebyan)

 

4. Axirətdə günahkarları gözləyən cəzalara nəzər salmaq və bu haqda təfəkkür etmək. Quran buyurur: “Qohum qohuma göstərilər, (lakin dəhşətin şiddətindən bir-birlərinə fikir verməzlər,) günahkar arzu edər ki, kaş o günün əzabından (qurtarmaq üçün) fəda edə biləydi öz oğullarını, Həm zövcəsini və qardaşını, Həm də (dünyada) ona sığınacaq verən yaxınlarını və qövmünü (qəbiləsini), Və yer üzündə olanların hamısını - təki bu iş ona (o günün əzabından) nicat versin. Belə deyildir, (günahkar nicat tapmaz, əksinə) o (Cəhənnəm) alovlu dillər çıxan atəşin şöləsidir”. (“Məaric” 11-15).

Bundan əlavə: 

- Fikir və düşüncələrimizə kontrol edərək.

- Gözümüzə və qulağımıza kontrol edərək.

- Sözlərimizə kontrol edərək.

- Evlənərək.

- Hicaba riayət edərək.

- İbadət və dua ilə.

- Düzgün örnəklər qərar verərək.

- Nalayiq dostlardan uzaq olaraq.

- Əhli-Beyti (ə) sevərək.

- Allahı və Onun nemətlərini yada salaraq.

- Ölümü və Qiyaməti yada salaraq.

- İbrət götürərək. (Beytutə)

 

Allah Təala bizləri xətalardan Özü qorusun!